Lucky Wolf

Skule, artikkel, norsk og filosofering

Helle — Mon, 27 Oct 2008 22:16:07 +0000

I dag har i bunn og grunn vore ein relativt flott dag.

Me hadde eigentleg samfunnsfag i 2 fyrste timane, men Didrik var sjuk, så eg bretta avis. Og lurte på kor mange aviser me eigentleg skulle ha. For bunken vart ALDRI mindre. Det verka i alle fall sånn for meg. Seinare hadde me engelsk, det var jo greitt. Me fekk bruke tida på stilen som skal leverast i kveld 23.59. Den byrja eg på i engelsktimane i dag, og vart ferdig i engelsktimane i dag.

Eg fekk publisert ein borgarjournalistartikkel på ABC Nyheter. Vart litt overraska over at det vart toppsak, med bilete og alt, men såklart glad. Stolt, faktisk. Eigentleg fordi det var morosamt å sjå mi sak ein annan stad enn i Svampen. Så eg tok likesågodt og sendte inn ein til eg. Og den og vart illustrert. Eg er litt stolt eigentleg.

Resten av skuledagen hadde me design, og der skjedde ikkje spesielt mykje interessangt. Me designa, og det var jo gøy.

Etter skulen har eg tenkt at eg skal lese til norskprøve, men det har ikkje vorte noko av. Får vel ta å gjere det etter eg har skrive ferdig denne posten tenkjer eg. Det er berre det at det er så keisamt stoff. Eg har brukt dagen på å filosofere på at eg saknar Linn og Toril. Mest Linn. Ikkje vondt meint mot Toril, men det er drittlenge sidan eg har sett Linn, og eg saknar henne ordentleg, ordentleg mykje. Dessutan er ho kona mi, sådetså. Eg får tårer i augene av å tenkje på det. På fredag kjem ho på besøk, også skal me på kino. Eg gler meg som ein unge.

Linn

Helle — Mon, 27 Oct 2008 16:58:36 +0000

Eg saknar Linn. LINN CATRIN EG SAKNAR DEG SÅ INNI INNERSTE GRANSKOGEN AT DET GJER VONDT! Eg saknar å være naboen din. Eg saknar å snakke med deg nesten kvar dag. Eg saknar å kome på besøk til deg, og lage mat saman med deg. Eg saknar å gå tur saman med deg. Eg saknar å le saman med deg. Eg saknar å krangle med deg. Eg saknar å mobbe deg. Eg saknar å vere saman med deg.

Luft kan døy

Helle — Mon, 15 Sep 2008 14:26:32 +0000

Eg har prøvd å lage CD-cover i dag, og kjem til den flotte konklusjonen:
DØØØØØØØØØØØ LUFT! DØØØ!

Det var dagens informasjon.

Tilbake på skulen

Helle — Wed, 20 Aug 2008 20:28:59 +0000

Enda ein sommarferie er over. Det er tilbake på skulen, denne gongen for å gå 2. klasse medium og kommunikasjon på Volda vidaregåande skule. Me byrja i dag, med ein dag som for det meste gjekk ut på å høyre på rektor.

I staden for ei veke med “vert-kjend-leikar” så skal me byrje rett på skuleguiden i morgon (vert-kjend-leikar er vel kanskje unødvendig når det ikkje er nokon nye i klassa?). Eg trur det vert…fælt, sånn eigentleg, men sånn er det jo.

Eg kjenner folk (Ragnhild og Toril) som går 1. klasse (Volda og Akademiet i Bergen) og eg trur eg er veldig glad for at eg faktisk går i Volda. Korleis Ragnhild har hatt det veit eg eigentleg ikkje så mykje om, men Volda verkar betre enn Bergens-tingen. PTFen deira er rar. Dei skal visst berre sitte og kope i klasserommet medan ein lærar passar på dei (trur Toril). Dei skal ha avis, men dei får ikkje skrive. Kva er vitsen då? Ein lærer såklart litt av å høyre på ein lærar, men betrakteleg mykje mindre enn om ein får prøve sjølv. Å lære av å prøve er best. Så kan ein heller få lære litt om avishistorie og sånn innimellom. Og såklart den omvende trekanten før ein byrjar. Og sånn.

Heime frå Bergen

Helle — Mon, 04 Aug 2008 22:51:41 +0000

Eg er heime frå Bergen. EG VIL TILBAKE! Det var så gøy! Eg saknar Toril! Eg saknar Bergen!

Eg har ikkje noko meir fornuftig å sei eigentleg, berre syte over kor mykje eg saknar Bergen.

Bergen ER faktisk nydeleg

Brann scora 4 mål utan Helstad!

Bergenstur

Helle — Wed, 30 Jul 2008 23:09:14 +0000

Bergen. I dag. Om nokre timar.

EG ER NERVØS!

Stig prøvde å vere morosam i dag. Eg har berre snakka om Bergensturen i heile dag, sidan det var det mest interessante å snakke om, så han sang “Eg ve fra Bergen, fra Bergen ØYEBLIKKELI” og påstod at eg kom til å seie det når eg var i Bergen.

Eg tvilar.

Eg går og er nervøs ein annan stad.

Thorstein Helstad

Helle — Fri, 25 Jul 2008 20:30:39 +0000

Sportsklubben Brann har i dag akseptert et bud fra franske Le Mans som gjør at Thorstein Helstad forsvinner fra klubben. (Kilde: brann.no)

Då eg fyrst fekk høyre om nyheita på TV2Sporten i dag så tenkte eg “TV2 er dumme, såklart vert ikkje Thorstein Helstad solgt. TV2 har misforstått heile driten”. Så sjekka eg innom ein del internettsider, og jaggu hadde TV2 rett. Då var fyrste tanken “Hæ? Nei! NEI! NEEEEEEEEIJ! Me treng Helstad! NEIJ! Ikkje selg Helstad!”. Denne tankjen er framleis primærtankjen min no. Me ser godt korleis det har gått no når Helstad har vore skada, sjølv om det er trist å innsjå det: Brann er avhengig av Thorstein Helstad. Såklart MÅ dette forandrast, og det hadde det måtta uansett om Helstad skulle selgast eller ikkje (han har trass alt ikkje så mange år igjenn på toppen). Men å gjere det så brutalt?

Thorstein Helstad er toppscorar i tippeligaen, både i år og i fjor, og no skal han vekk. I år har Thorstein Helstad scora 13 mål for Brann. Den neste på scoringslista er Winters, med 4 mål. Så har me Demba-Nyrén med 3. Mål er ikkje alt i ein fotballkamp, så klart, men ein vinn ingen fotballkampar utan å score mål. Rett og slett.

Medan Helstad skal til Frankrike får Brann inn Lynspelaren Ighalo. Eg har høyrt at han er litt god. Men eg trur ikkje han klarer å erstatte Helstad. Det skal det veldig mykje til, og Ighalo er veldig ung, framleis.

Håper likevel at Brann klarer å kjempe seg gjennom kampane, og at dei klarer å fungere uten Helstad. Det burde gå.

Bergen

Helle — Thu, 24 Jul 2008 02:14:47 +0000

Eg ve te Bergen, ve te Bergen me det samme.

Som de kanskje veit så skal eg snart til Bergen. I Bergen skal eg *trommevirvel* BESØKE TORIL! Eg gler meg så grusomt! Det er ca eitt år sidan sist eg såg Toril, og det er grusomt lenge. Me har veldig mange planar for kva me faktisk skal gjere når eg kjem, så eg trur ikkje det vert noko problem. Største problemet vert vel å hugse alle planane. Me skal, til dømes, på fjellet, til byen (ikkje fisketorget) og me skal kjøpe skillingsbollar. Toril skal lage pizza. Me skal på Brannkamp. Det er mykje anne og, som me har planlagt, og mesteparten har eg vel gløymt allereie. Jess, hukommelse er verkeleg mi sterkaste side.

Toril fortel meg at Bergen er verdas nydelegaste by, og eg tvilar ikkje eitt sekund. Sjølv om fisketorget var…hrm…heller uinnbydande då. Eg har vore i Bergen berre ein gong før, og det var då me for på klassetur til Shetland. Då stoppa me ein time, eller to, i Bergen og venta på båten. Ein tur på fisketorget, ein matvarebutikk og McDonalds (eg gjekk ikkje inn der, så klart) var då påkrevd. Eg vonar at denne Bergensturen skal verte betre, og det trur eg den vert og.

Eg gler meg sånn.

Garn og stavangersk

Helle — Wed, 16 Jul 2008 00:08:18 +0000

I dag (i går, i følge klokka mi) så var eg oppe klokka halv ni. Eller, vekkarklokka ringde då, og eg gjorde mitt fyrste forsøk på å stå opp kvart på 9. Klokka fem på 9 hadde eg komt meg ut av senga. Eg har ikkje godt av ferie, klarer jo ikkje å stå opp om morgonane. Klokka halv 10 så fór eg og bestefar ut med båten, som eg køyrde, for å drage inn garnet me hadde ut i går. Då me hadde fått den opp så for me til land att og skulle få alle fiskane lause frå garnet. Dette var svært vanskeleg, etter mi meining. Eg likar ikkje fisk. Grei nok å ete, men den er (i fare for å verke overfladisk og bimbo: ) ekkel. Me fekk veldig mange hestemakrell, som er ein fisk ein ikkje kan ete. Eller…ein kan ete den, men bestefar seier den ikkje smakar godt. Og bestefar likar nesten alt, så eg stolar på han der. Den har piggar. Det fann eg ut då eg tok godt grep rundt den.

Så over til noko HEILT anna. Stavangersk er verdas mest sjarmerande dialekt. Me har borna til syskenbarnet mitt på besøk. Det er Gard Nataniel, på 4 år, og Hedda Emilie, på 2 år. Dei snakkar stavangersk, og difor er stavangersk verdas mest sjarmerande dialekt. Ein unge på to år som seier “Store båden dro te borte” er nok til å sjarmere meg.

Idun fekk forresten ein tiar i eggeglaset sitt. Eg spurde pappa om eg kunne få ein tiar til det. XD

God natt

Seine kveldar – Tidlege morgonar & Tannfeen

Helle — Mon, 14 Jul 2008 09:53:18 +0000

Eg har eitt stort sovehjarte, det vil seie at eg elskar å sove. Men å vere fornuftig har aldri vore mi sterkaste side. Eg har det nemleg med å legge meg seint, og det i seg sjølv er jo greitt nok, men problemet er at eg gjerne må tidleg opp om morgonen. Å stå opp er vel ein av dei tinga eg likar minst. I natt la eg meg i 2-tida eller noko, eg er ikkje heilt sikker, og det er jo ikkje så seint. Då burde det eigentleg vere nok søvn i løpet av ei natt. Men eg vil ha mykje søvn. Ikkje nok, eg vil ha mykje. Så då Thea (veslesyster) kom og vekte meg halv 10 kan du tenkje deg at eg vart sur. For det vart eg. Veldeg sur. Moralen er: Ikkje vekk meg.

Du såg at eg skreiv “& Tannfeen” og i tittelfeltet, ja? Også lurte du på om eg ikkje kanskje var litt for gammal til å tenkje på tannfeen? Du tenkte kanskje “Ho er 16 år, steik så barnsleg ho er.” Og at eg er barnsleg det skal eg ikkje nekte på, men eg trur nok ikkje på tannfeen. Tingen er at veslesyster (Idun) mista ei tann for ikkje så lenge sidan. Og HO trur på tannfeen. Ho trur at om ho legg ei tann i eitt eggeglas, med vatn, og let det ligge over natta så skal der vere en penge dagen etterpå. Problemet er då pappan vår. Han bryr seg eigentleg ikkje om slikt, så då Idun sa at ho hadde mista ei tann så sa han “Ja, så kast den då”. Då reagerte eg, såklart. Tannfeen er jo ting ein skal tru på når ein er små, så eg sa. “Nehei, ho skal ikkje kaste den, ho skal legge den i vatn, så kjem tannfeen og legg att ein tiar.” Så gjorde ho det.

Det var på laurdag. Kvar dag (av dei to dagane) har eg tenkt at “i kveld skal eg legge ein tiar i eggeglaset, og kaste tanna.” Problemet er at eg har gløymt det. Begge dagane. Så oppdaga eg at eg ikkje hadde småpengar. Er det då gale å ta ein tiar frå pappa og legge i eggeglaset?